अचानोझैं रेष्टुराका खाटखाटमा तिमी छौ
अंग अंग छुने पापी हातहातमा तिमी छौ
साँझ पख भट्टी नेर एक हुल भमराको
तिनले पिउने सोमरसको मातमातमा तिमीछौ
अँधेरोमै आँचल फेर्ने कस्तो रिती यो शहरको
झिलमिलिमै पाप छोप्ने रातरातमा तिमी छौ
छुवाछुतको नारालाउने पट्टीबाँधी चुम्छन तिमीलाई
ठुला देखी साना सम्म जातजातमा तिमी छौ
बत्ती निभ्दा शुरु भई बलेपछी छुट्ने माया
नारीमाथि चलिरहने घातघातमा तिमी छौ
फुलजती मनकी रानी घरअकी रानी बनाउँदा
भमराले कुल्चि हिंड्ने पातपातमा तिमी छौ
पाँचमिनेटलाई लाख दिने धनी साधु रम्दैगर्दा
खुशी बेची आँसु साट्ने बातबातमा तिमी छौ
अचानोझैं रेष्टुराका खाटखाटमा तिमी छौ
अंग अंग छुने पापी हातहातमा तिमी छौ 
